Ganduje video: Nigeria corruption police EFCC say dem neva see video wia Kano govnor dey ‘collect’ dollars

Ganduje video: Nigeria corruption police EFCC say dem neva see video wia Kano govnor dey ‘collect’ dollars

GovUmarGandujeImage copyright@GOVUMARGANDUJE
Image exampleKano State goment say di video of govnor Ganduje na fake

Nigeria Economic and Financial Crimes Commission EFCC say dem no dey aware of di govnor of Kano Umar Ganduje video wey don go viral.

Di video wey don catch fire for social media since Sunday, show di govnor of Kano State dey ‘collect’ moni wey be dollars from pesin.

EFCC tok tok pesin Wilson Uwujaren wey follow BBC News Pidgin tori pesin Mansur Abubakar tok, say di agency no dey aware of di video.

“I no dey aware of any video, I neva see am.” Na wetin Uwujaren tell BBC Pidgin for telephone.

Na EFCC dey in charge of a investigating anything wey resemble corruption for Nigeria and many pipo dey expect say since di video don dey public domain, dem go start dia work.

Under Nigeria law, govnors follow for those wey dey enjoy immunity, so notin fit happun to govnor Ganduje wen im still dey office.

Di journalist and publisher of DAILY NIGERIAN Jafar Jafar wey bin release di first video, say e get about 15 videos wey im go release wey beta pass di first one wey show Kano govnor Dr.Umar Ganduje dey ‘collect’ dollars from pesin.

Di journalist wey yan with BBC Hausa service and say im life dey at risk dat na why e still dey hide even though Council for di Protection of Journalists (CPJ) dey aware of im situation.

“Some pipo dey complain about di audio for di first video, anybody wey wan hear di discussions fit call me and moreover di govnor face and discussions dey clearer for di next videos.”

Kano State goment bin threaten on Sunday evening say dem go carri di online paper; ‘Daily Nigerian’ and tori pesin Jafar Jafar go court, as dem wan spoil govnor Umar Ganduje name.

Di video wey come out on Sunday evening na secret feeming of Oga Ganduja wey dem claim say show di governor dey collect moni wey reach five million dollars from contractor wey wan make e give am work.

Kano goment tok say di video no be original, say na computer work.

Di issue na wetin many pipo dey discuss for di north-western Nigerian state and some dey say di development fit affect di 2019 govnorship elections wey dey close.

As elections dey near some analysts dey tok say di outcome of dis issue fit determine who go be govnor of di northern state next year.

Source: https://www.bbc.com/pidgin/tori-45856965?ocid=socialflow_facebook

Amount Paid
Naira
City
Kano
Office Location
Bribe Type
---
Department
N/A
Transaction
N/A

Leave a Reply

Your email address will not be published. Required fields are marked *

GJNor

Please type the text above: